Երեկ Երեւանի «Փյունիկ» ՖԱ, Աշտարակի եւ Աբովյանի քաղաքային մարզադաշտերում մեկնարկեց ֆուտբոլի «ՀՀ վարչապետի գավաթի» խաղարկության 5-րդ մրցաշարը, որի նախնական փուլին մասնակցում են պետական կառավարման մարմինների 15 թիմեր:
Բոլոր թիմերն էլ ավելի քան մեկ ամիս պայքարելու են նախնական փուլի արգելքը հաղթահարելու, ապա նաեւ եզրափակիչ փուլում մրցանակային տեղեր նվաճելու համար: Մասնակից գերատեսչությունների ճնշող մեծամասնությունն ավանդական դարձած այս մրցաշարի «հնաբնակ» է եւ պայքարի փորձ ունի: Սակայն ուրախացնում է, որ այս տարի նրանց միացել են եւս երկու թիմեր, որոնք մեկնարկը հաջող են սկսել: Խոսքը ՀՀ արտգործնախարարության եւ Հայաստանի դատական դեպարտամենտի թիմերի մասին է, որոնք առաջին անգամ մասնակցելով այս մրցաշարին՝ առավել քան համոզիչ հաղթանակ գրանցեցին իրենց օգտին: Արտաքին գործերի նախարարության ֆուտբոլիստները 11:2 խոշոր հաշվով պարտության մատնեցին ՀՀ սփյուռքի նախարարության թիմին, իսկ Հայաստանի դատական դեպարտամենտը ինն անպատասխան գնդակ անցկացրեց ֆինանսների նախարարության դարպասը:
Այսօր կայացած մյուս հանդիպումներում գրանցվեցին այսպիսի արդյունքներ:
ՀՀ պաշտպանության նախարարություն- ՀՀ առողջապահության նախարարություն՝ 2:1, ՀՀ ոստիկանություն- ՀՀ տարածքային կառավարման նախարարություն՝ 16:0, ՀՀ արտակարգ իրավիճակների նախարարություն-ՀՀ գյուղատնտեսության նախարարություն՝ 4:3, ՀՀ էկոնոմիկայի նախարարություն-ՀՀ աշխատանքի եւ սոցիալական հարցերի նախարարություն՝ 0:5:
Կարդացեք նաև
ԱՇՈՏ ՀԱԿՈԲՅԱՆ
«Առավոտ» օրաթերթ
