«Երեկ և այսօր ՀՀ բարձրաստիճան այրերի հետ տեղի ունեցած հանդիպումներում Լեռնային Ղարաբաղի հակամարտության վերաբերյալ քննարկումներ չեն եղել: ԵՄ-ն ամբողջովին աջակցում է ԵԱՀԿ Մինսկի խմբի շրջանակում ընթացող գործընթացին: ԵՄ-ն ցավում է, որ վերջին մի քանի տարիներին առաջընթաց այս հարցում չի եղել, և ԵԽ շատ ներկայացուցիչները ձգտում են գործընթացի ակտիվացմանը»,- Հայաստանի խորհրդարանում համատեղ ասուլիսի ժամանակ հայտարարեց Հայաստան-Եվրամիություն խորհրդարանական համագործակցության հանձնաժողովի համանախագահ Միլան Ցաբրնոխը:
Պատասխանելով լրագրողի հարցին, թե ՀՀ նախագահ Սերժ Սարգսյանի հետ հանդիպմանը արդյո՞ք նախագահը ներկայացրել է իրեն այն պատճառները, թե ինչու Հայաստանը նման շրջադարձային որոշում կայացրեց` Մաքսային միությանը միանալու առումով, պարոն Ցաբրնոխը միայն նշեց. «Եթե մի պատճառ եք ուզում իմանալ, ես հիշում եմ ազգային անվտանգությունը»:
Նելլի ԳՐԻԳՈՐՅԱՆ
