galatv.am․ «Ուկրաինան չի կարող հրաժարվել Ռուսաստանի հետ համագործակցությունից, քանի որ չկա նման կորստի փոխհատուցման աղբյուր»,- այսօր` նոյեմբերի 13-ին հայտարարել է Ուկրաինայի վարչապետ Նիկոլայ Ազարովը, փոխանցում է ИА REGNUM –ը:
«Ցանկանում եմ, որպեսզի բոլորն Ուկրաինայում գիտակցեն՝ մեզ ոչ ոք չի առաջարկել ու չի առաջարկի այդ շուկայի կորստի դիմաց փոխհատուցում: Իսկ մենք իրավունք չունենք թույլ տալ, որպեսզի փակվեն ձեռնարկություններ, որպեսզի մեր մարդիկ մնան առանց աշխատավարձի և թոշակի»,- հայտարարել է Ազարովը: Երկրի վարչապետը նշել է, որ Կիևի համար Ռուսաստանի հետ հարաբերությունների կարգավորումը մնում է թիվ մեկ խնդիրը:
«Ես ու նախագահ Վիկտոր Յանուկովիչը սուր զրույց ենք ունեցել ձեռնարկությունների և պրոֆմիությունների հետ Ռուսաստանի հետ առևտրի մասին: Իշխանությունները կիսում են ձեռնարկատերերի և պրոֆմիությունների խորը անհանգստությունը հնարավոր աշխատատեղերի կորստի մասին: Սա մեր իշխանությունների ուղղակի պատասխանատվությունն է և Ուկրաինայի տնտեսությանը ուժեղ հարված է… Սրան ավելացրեք նաև գազի և նավթի չափազանց բարձր գները»,- հայտարարել է նա:
Այժմ, վարչապետի խոսքով, Յանուկովիչը հրամայել է կառավարությանը արագացնել Մաքսային միության հետ մաքսային և տեխնիկական խնդիրները:
Կարդացեք նաև
Ուկրաինայի իշխանությունները հայտարարել էին, որ երկիրը չի ստորագրի Եվրամիության հետ Ասոցացման համաձայնագիրը Վիլնյուսում:
«Դոնեցկ կատարած վերջին այցի ժամանակ վարչապետ Նիկոլայ Ազարովը տեղեկացրել է իշխանություններին այն մասին, որ Ուկրաինայի նախագահի ադմինիստրացիան և եվրոպացի պաշտոնյաները արդեն դիտարկում են Ասոցացման համաձայնագրի ստորագրման հետաձգումը 2014 թվականին կամ նույնիսկ ավելի ուշ»:
