Ըստ «Ազատություն» ռադիոկայանի, Ղրղըզստանի նախագահ Ալմազբեկ Ատամբաևը այսօր Բիշքեկում կայացած մամուլի ասուլիսի ժամանակ հայտարարել է, որ իր երկիրը չի անդամակցի Մաքսային միությանը` հիմնվելով «ճանապարհային այն քարտեզի վրա, որի մշակմանը ղրղըզական կողմը չի մասնակցել»:
«Ի տարբերություն Ուկրաինայի՝ մենք առանձնապես մեծ ընտրություն չունենք, սակայն պարտավոր ենք գնալ այն ուղով, որը ձեռնտու է Ղրղըզստանին», – ասել է Ատամբաևը:
Ավելի վաղ երկրի փոխվարչապետ Ջոոմարտ Օտորբաևը հայտարարել էր, որ ղրղըզ փորձագետները ընդհանրապես ներգրավված չեն եղել Մաքսային միության անդամակցության ճանապարհային քարտեզի մշակման գործում:
Գեւորգ Ստամբոլցյան
