«Եթե երկիրը ոչ թե պատրաստի արտադրանք է արտահանում, այլ միայն ռեսուրս, նա ինտեգրման կարիք չունի: Օրինակ, Ադրբեջանը ինչի՞ պիտի մտնի որեւէ միության մեջ, որպեսզի իր գազի գի՞նը իջեցնի, ակնհայտ է, որ իրեն ձեռք չի տալիս դա: Իսկ մենք փոքր երկիր ենք, Եվրոպա արտահանում ենք միայն ռեսուրս՝ ոսկի, ադամանդ, եւ ինտեգրվելու կարիք չունենք, վնասը կլինի մի հարյուր միլիոն դոլար, բայց կշահենք աշխարհաքաղաքական տեսանկյունից, եթե ինտեգրվենք Մաքսային միությանը, եւ Մաքսային միության երկրներ մենք արտահանում ենք պատրաստի արտադրանք, ինչը շատ կարեւոր է: Իհարկե, Մաքսային միությունում կան քաղաքական խնդիրներ, մարդու իրավունքների խնդիրներ, բարձր կոռուպցիա… այդ առումով գտնվում ենք նույն մակարդակում: Բայց ոչ ոք մեզ չի խանգարում եվրոպական այդ արժեքները մեզ մոտ իրականացնել: Եվ եթե մեզ մոտ ավելի քիչ լինի կոռուպցիան՝ Մաքսային միության երկրներից կգան իրենց բիզնեսն այստեղ կգրանցեն»,-կարծում է տնտեսագետ Աշոտ Թավադյանը:
Վերահսկիչ պալատի նախկին նախագահ, տնտեսագետ Աշոտ Թավադյանի հետ մեր հարցազրույցն ամբողջությամբ կարդացեք վաղվա տպագիր «Առավոտում»:
Մելանյա ԲԱՐՍԵՂՅԱՆ
հետաքրքիր ա, որ մարդիկ արդեն “շահ” ասելով փողից բացի ուրիշ բան չեն հասկանում…
ցավալի ա, բայց փաստ
հետո, էտ չկոռումպացված Եվրոպայում չէ՞, որ Աթենքի ամառային օլիմպիադայի պես խայտառակ մի բան երբևէ չի եղել կոռուպցիայի ու ատկատների հաշվով… ոչ մի տեղ, անգամ Հարավային Աֆրիկայում