Yahoo! պորտալը իր օգտատերերին ցույց էր տալիս գովազդային հայտարարություններ, որոնց վրա սեղմելով՝ հնարավոր է համակարգիչը վարակել վիրուսներով: Այս մասին հայտնում է The Washington Post-ը՝ հղում կատարելով իռլանդական Fox-IT կազմակերպությանը, որը նկատել է վտանգը: Հաղորդում է Lenta.ru-ն:
Օգտատերերը՝ yahoo.com-ի հայտարարություններով անցնելիս, վերահասցեավորվում են վնասակար կոդով կայքեր՝ հայտնում են հետազոտողները: Համակարգչի վրա հարձակում կատարելու համար նախատեսված մի շարք ծրագրեր օգտագործելով, որոնք իրենց հերթին օգտագործում են Java-ի խոցելիությունը, համակարգիչների վրա բեռնվում են տարատեսակ վնասակար ծրագրեր, մասնավորապես՝ Zeus եւ Andromeda ծրագրերը:
Fox-IT-ի տվյալներով՝ կայքում վնասակար գովազդների հայտնվելը կարող է Yahoo!-ի ցանցի կոտրվելու հետեւանք լինել: Համաձայն մեկ այլ վարկածի՝ հարձակվողները կարողացել են տեղադրել իրենց հայտարարությունները պորտալում, դրանք ներմուծելով մոլորեցնող գովազդի ցանցային ֆիլտրեր:
Վնասակար գովազդային հայտարարությունները Yahoo!-ում երեւացել են առնվազն 2013թ. դեկտեմբերի 30-ից: Fox-IT-ի փորձագետները հաշվարկել են, որ վիրուսները այդ կերպ վնասել են ժամում 27 հազար օգտատերերի: Ամենամեծ թվով վարակներ եղել են Ռումինիայում, Մեծ Բրիտանիայում եւ Ֆրանսիայում:
Կարդացեք նաև
Yahoo!-ի ներկայացուցիչները, իրենց հեթին, հաստատել են վտանգավոր ծրագրի տարածման փաստը եւ հայտարարել, որ ջնջել են վտանգավոր հայտարարությունները: 2014 թվականի հունվարի 3-ից հետո «վիրուսային» ակտիվությունը նվազել է, նշել են Fox-IT-ում:
