Այսօր լրագրողները Շիրակի մարզի նորանշանակ ոստիկանապետ Վլադիմիր Նադարյանից հետաքրքրվեցին, թե ի՞նչ մեթոդներով է աշխատելու նորանշանակ պաշտոնյան` ծեծելո՞ւ է, ինչպես որ մի ժամանակ աշխատել է ոստիկանությունը և այս մասին անգամ խոստովանել է Վլադիմիր Գասպարյանը: Այս հարցը այնպես շփոթեցրեց գնդապետ Նադարյանին, որ նա իր շուրջ հավաքված կին լրագրողներին դիմեց «պարոնայքով»:
«Գիտե՞ք ինչ կա պարոնայք… սիրելիներս, ոստիկանության պետի ասածները, որը որ շեշտվում է, շատ սպառիչ է խոսում ոստիկանության պետը, հստակ պատասխաններ է տալիս յուրաքանչյուր հարցի և մեկնաբանություն: Եվ բացարձակ երբևիցե չի խուսափել երևույթների մասին խոսելիս: Դուք գիտեք բոլորդ գաղտնիք չէ: Նրա ասածը վերաբերվում է կոմունիստական ժամանակահատվածի բավականին մեծ փնովանքի և բացասական էպիտետների արժանացած սովետական միլիցիայի դարաշրջանին, որը որ փակ սիստեմ էր` փակ պետության մեջ: Բացարձակ ոչ մի ժողովրդավարություն չկար, բացարձակ ոչ մի թափանցիկություն չկար գործելակերպի մեջ, հետևաբար և բազմաթիվ խորթ մեթոդներ էին կիրառում:
Բա մենք առանձին, կայացած նորաստեղծ պետություն ենք, բավականին երիտասարդ, նորաստեղծ համակարգեր, մյուս, մյուս… Քայլ առաջ, պրոգրեսի գնալով նման հարցերում, մաքսիմալ թափանցիկություն ապահովելով մեր գործելակերպի, դրսևորման մեջ, ինչի՞ մասին է խոսքը, ի՞նչ ծեծ, ո՞նց կարելի է նման բան լինի առօրյա ոստիկանի աշխատանքի մեջ դա բացառվում է»:
Պարոն Նադարյանն ասաց, որ նույնիսկ կոպիտ խոսելու համար է Վլադիմիր Գասպարյանը հետևություններ անում`բացարձակ կարևորություն չտալով ոստիկանի տարիներին վաստակը, ի՞նչ ծեծի մասին կարող է խոսք լինել:
Կարդացեք նաև
Նունե ԱՐԵՎՇԱՏՅԱՆ
