Այսօր Շիրակի մարզպետարանի դիմաց պարտադիր կուտակային կենսաթոշակային համակարգի դեմ դուրս եկած երիտասարդներից մեկը հայտարարեց, որ իշխանությունները գործադուլի մեջ են, և ամբողջ մի երկիր ու ժողովուրդ սպասում են, թե երբ պիտի նրանք դադարեցնեն գործադուլն ու անցնեն խոստումների կատարմանը: Ըստ ակտիվիստի, իրենք այլևս չեն հանդուրժելու այս վիճակը և եթե ոչինչ չփոխվի, ապա իրենք ցույց կտան իշխանությունը լքելու ճանապարհը:
Լրագրողներից մեկի այն հարցին, թե ինչի՞ց եք այդքան դժգոհ. չէ՞ որ երկրի նախագահը խոսում է տնտեսական աճից, ասում է, որ արտագաղթի տեմպերն էլ նվազել են, երիտասարդը ինքնատիպ պատասխան տվեց. «Սերժ Սարգսյանը շատ ճիշտ է հայտարարել. տնտեսությունը աճում է, նրանց ընտանեկան բյուջեն աճում է րոպե առ րոպե, արտագաղթ նրանց ընտանիքում բնականաբար չկա, նա ինչ ասում է իր ընտանիքի համար կարելի է ենթադրել: Բայց այն, ինչ ասում է Հայաստանի համար, բնական է կտրված է իրականությունից, թեև չէի ասի կտրված են, լավ էլ տեղյակ են, բայց ուրիշ ձևով են ներկայացնում, այնպես ինչպես ձեռնտու է իրենց»:
Մանրամասները` տեսանյութում:
Նունե ԱՐԵՎՇԱՏՅԱՆ
Տնտեսական աճը հասավ մոշ քաղողին,
Ոսկու հանքը փոխարինեց մոշի փշին,
Կյանքն ուրախ է, քեֆ է անում ձեր Նազարը,
Դանթեական դժոխքն է լուռ չոքել այսօր հայ դռանը: