«Խնդիրները պետք է լուծել երկխոսությամբ», – հայտարարում է Ռուսաստանի նախագահին կից Մարդու իրավունքների և քաղաքացիական հասարակության զարգացման խորհուրդը:
Ռուսաստանի նախագահին կից Մարդու իրավունքների և քաղաքացիական հասարակության զարգացման խորհրդի անդամները հայտարարություն են տարածել, որում կոչ են անում Ուկրաինայում ճգնաժամը քաղաքական եղանակով լուծել:
Հայտարարության մեջ ասված է, որ այն բանից հետո, երբ Դաշնային խորհուրդը թույլատրեցՌուսաստանի զինուժը կիրառել Ուկրաինայի տարածքում, երկու երկրները պատերազմի շեմին են հայտնվել:
«Այդ որոշման անհրաժեշտությունը բացատրվեց տեղ գտած անկարգություններով և տեղի ռուսների անվտանգության հիմնավորմամբ, սակայն Ուկրաինայի ինքնավարությունը խաթարելով և խախտելով միջազգային պայմանավորվածությունները, Ռուսաստանի ռազմական ուժի կիրառումը բացարձակ համարժեք չէ Ուկրաինայում տեղ գտած խախտումներին», – նշում են հայտարարության հեղինակները՝ միևնույն ժամանակ կասկածի տակ դնելով այն փաստերը, որ ներկայացվել են Դաշնային խորհրդում որոշումը հիմնավորելու համար:
Կարդացեք նաև
Տաթեւիկ Լազարյան
Նյութի մանրամասները կարդացեք «Ազատություն» ռադիոկայանի կայքում
