Մայդանի ակտիվիստները Օդեսայի Ռուսաստանի հյուպատոսության դիմաց լապշայով բողոքի ցույց են արել:
Մարտի 12-ին տեղի ունեցած ակցիային անդրադարձել է բլոգեր Իլյա Վառլամովը՝ նշելով, որ ցույցն ուղղված էր ռուսական ԶԼՄ-ների քարոզչության դեմ: Մասնակցում էին մոտ 20 հոգի: Լապշան ցուցարարները կախել են հյուպատոսության դարպասի վրա և ներս լցրել՝ վրան ավելացնելով կետչուպ (նկատի ունենալով ռուսական «вешать лапшу на уши» արտահայտությունը, նույնն է՝ աչքին թոզ փչել): Ոստիկանությունը չի միջամտել:
Բլոգերը գրում է, որ Օդեսայում ամեն ինչ հանգիստ է՝ «Հակամայդանում» ընդամենը 20 հոգի է հավաքված, իսկ ընդհանուր առմամբ քաղաքն իր կյանքով է ապրում. «Սա առաջին և միակ գրառումն էր Օդեսայի քաղաքականության մասին: Օդեսային քաղաքականությունը չի հետաքրքրում, այստեղ կատուներ են, բակեր, գինի և լավ եղանակ», – գրում է Իլյա Վառլամովը:
Մարտի 11-ին Ուկրաինայի հեռուստատեսության և ռադիոյի ազգային հանձնաժողովը հրահանգել էր դադարեցնել ռուսական հեռուստաալիքների հեռարձակումը, որոնք գտնվում են պետության վերահսկողության տակ: Ավելի վաղ «ՈՒՆԻԱՆ» լրատվականը հաղորդել էր, որ Ղրիմում դադարեցվել է ուկրաիներեն բոլոր հեռուստաալիքների հեռարձակումը, դրանք փոխարինվել են ռուսականով:
Կարդացեք նաև
Պատրաստեց Հովհաննես ԻՇԽԱՆՅԱՆԸ
