Ուկրաինայի իշխանությունները Ռուսաստանի հետ վիզային ռեժիմ և արտասահմանյան անձնագիր մտցնելու հարցում չպետք է շտապեն, հայտնել է Ուկրաինայի վարչապետ Արսենի Յացենյուկը: Փոխանցում է «ՌԻԱ Նովոստի»-ն:
«Այստեղ պետք է յոթ անգամ չափել ու մեկ անգամ կտրել, – ասել է Յացենյուկը մարտի 20-ին Բրյուսելում, – դժվար թե նման նախաձեռնությունը արդյունավետ լինի Ուկրաինայի կողմից Ռուսաստանի վրա ազդեցություն գործելու տեսանկյունից»:
Ըստ նրա, հարցը կարևոր մարդկային նշանակություն ունի հենց Ուկրաինայի համար: «Առանց վիզայի ռեժիմը բխում է բազմաթիվ ուկրաինացիների շահերից, առաջին հերթին՝ երկրի արևմտյան և հարավային բնակիչների համար, որոնք արտագնա աշխատանքի են մեկնում Ռուսաստան կամ բարեկամներ ունեն սահմանի մյուս կողմում», – ասել է Յացենյուկը:
Մարտի 19-ին Ազգային անվտանգության և պաշտպանության խորհրդի քարտուղար Անդրեյ Պարուբին հայտնել էր, որ Ուկրաինան Ռուսաստանի հետ վիզային ռեժիմ է մտցնում:
Կարդացեք նաև
Պատրաստեց Հովհաննես ԻՇԽԱՆՅԱՆԸ
