Իտալական «Sorini»-ի արտադրության շոկոլադե «բոնբոներկաները» մինչեւ հասնում են Հայաստան կամ ավելի կոնկրետ՝ Եղեգնաձորի խանութներ, տուփում եղած կոնֆետների մի մասն անհետանում են:
Օրերս Եղեգնաձորի բնակչուհի տիկին Նունեն «Sorini» 12 հազար դրամանոց «բոնբոներկա» էր գնել՝ բարեկամուհուն նշանվելու կապակցությամբ շնորհավորելու համար: Սակայն տիկին Նունեի հպարտությունն ու բարեկամուհու ուրախությունը կարճ են տեւում: Սուրճի հետ «Sorini»-ն վայելելու համար, երբ տիկնայք տուփը բացում են, անակնկալից գոնե տիկին Նունեի հպարտությունից բան չի մնում, միայն՝ ամոթի զգացում: Տուփում կոնֆետները հավասարապես բաժանված էին 4 խմբի, սակայն ընդհանուր 350 գրամ զտաքաշով կոնֆետներից երեւի թե մոտ 90 գրամը պակասում էր, այսինքն՝ տուփի մի բաժնում դատարկություն էր, կոնֆետները բացակայում էին (տե՛ս լուսանկարը): Ի դեպ, «բոնբոներկայի» տուփը ցելոֆոնապատ էր, եւ այն նույնպես բացվում է տիկնանց ներկայությամբ:
Չի բացառվում, որ խոտանը գործարանային է, եւ իտալացիները պարզապես խոտան են տվել:
Նշենք, որ «Sorini»-ի ներկայացուցիչը Հայաստանում «Սովռանո» ընկերությունն է, որը հրուշակեղենի եւ ալկոհոլային խմիչքների ներկրման ոլորտում ամենամեծ ընկերություններից մեկն է:
ԱՆՈՒՇ ՄԱԹԵՎՈՍՅԱՆ
«Առավոտ» օրաթերթ
տարբերակ երրորդ – կեղծ “Սորինի”, ասենք Հայաստանում արտադրված: ցելոֆանով փաթաթելու սարքեր նույնիսկ մարդիկ կարող են իրենց տանն ունանալ, այնպես որ ցելոֆանն “ասնավանի” չի:
և հետո, շատ կներեք, այդ մի կանֆետի տուփը այդ ինչ մի իրադարձություն է որ թեթում գրել եք: հաաա, կարողա եդ ներկրողի դեմ պատվեր ա կատարում ինչ որ մեկը: ով գիտի:
Հարգելի ընթերցող, ոչ թե պատվեր է, այլ ձեզ՝ որպես սպառողի, իրազեկել խախտումների եւ ձեր իրավունքների մասին: