Ուկրաինայի անվտանգության ծառայության ղեկավար Վալենտին Նալիվայչենկոն հայտնել է, որ իրենք ունեն բոլոր հիմքերը՝ ենթադրելու, որ Ռուսաստանի Անվտանգության դաշնային ծառայությունը մասնակցել է 2014թ. Կիևի փետրվարյան ցույցերի ժամանակ հակաահաբեկչական գործողությունների ծրագրմանը: Փոխանցում է ուկրաինական «Ինտերֆաքս»-ը:
«Մենք հավաստի հիմքեր ունենք ենթադրելու, որ հենց այդ խմբավորումները, որոնք գտնվում էին ՈւԱԾ-ի հրաձգարաններից մեկում, մասնակցում էին այսպես կոչված հակաահաբեկչական գործողությունների ծրագրմանը», – ասել է նա Կիևում ապրիլի 3-ին ճեպազրույցի ժամանակ՝ ավելացնելով, որ իրենց համար շատ կարևոր են ՌԴ հետաքննչական կոմիտեի պատասխանները, – «Մեզ հետաքրքրում է երկու հարց: Առաջինը՝ 2013թ. դեկտեմբերի 20-ին, ՈւԱԾ-ի հրաձգարանում ի՞նչ էին անում ԱԴԾ-ի 26 աշխատակիցները, ի՞նչ կոչումներ և պաշտոններ ունեին», – նշել է Նալիվայչենկոն:
«Երկրորդ՝ Յակիմենկոյի (ՈւԱԾ նախկին ղեկավար) հրահանգով այդ խմբավորումներին ոչ միայն կացարաններ են տրամադրվել, ապահովել նրանց անվտանգությունը և այն ամենը, ինչ նրանք հարկ էին համարել աշխատանքը կատարելու համար, այլև ապահովվել է կառավարության հետ կապը: Զեկույց ներկայացնելու համար Յակիմենկոն մի քանի անգամ այցելել է այդ խմբերին: Ես չսխալվեցի՝ զեկուցելու համար», – հայտնել է ՈւԱԾ ղեկավարը:
Պատրաստեց Հովհաննես ԻՇԽԱՆՅԱՆԸ
