Թուրքիայի վարչապետ Ռեջեփ Թայիփ Էրդողանն ու Ադրբեջանի նախագահ Իլհամ Ալիևը ապրիլի 4-ին Բաքվում կայացած հանդիպմանը քննարկել են նաև Ղարաբաղի հարցը: Հայտնում է «Կոնտակտ» լրատվականը:
Հանդիպումից հետո մամուլի ասուլիսի ժամանակ թուրք պաշտոնյան հայտնել է, որ Ղարաբաղի հարցով իրենց դիրքորոշումը չի փոխվել և իրենք շարունակում են լիարժեք աջակցություն ցույց տալ Ադրբեջանին:
Երկրների ղեկավարները քննարկել են նաև պետությունների միջև ռազմական, առևտրային, էներգետիկ և ներդրումային ծրագրերը:
Ալիևը հայտնել է, որ ԹԱՆԱՓ գազատարը, որը Ադրբեջանի, Վրաստանի և Թուրքիայի միջով հասնում է մինչև Եվրոպա, ամենայն հավանականությամբ կգործի 2018թ.:
Կարդացեք նաև
Թուրքիայի տեղական ինքնակառավարման մարմինների ընտրություններից հետո սա Էրդողանի այլ երկիր կատարած առաջին այցն է, որով, ինչպես նա է ասել, ուզում է ցույց տալ Ադրբեջանի կարևորությունը:
Պատրաստեց Հովհաննես ԻՇԽԱՆՅԱՆԸ