Այս պահին Նալբանդյան փողոցը փակած ակտիվիստների հետ բանակցելու է եկել Երեւանի ոստիկանապետ Աշոտ Կարապետյանը: Նա առաջարկում է փողոցը բացել, հակառակ դեպքում դիմելու է հարկադիր միջոցների: Նա առաջարկում է 10 ակտիվիստների հետ միասին գնալ ֆինանսների նախարարություն, վստահեցնելով, որ այնտեղ նրանց կդիմավորի ու նրանց պահանջները կլսի նախարարի պաշտոնակատարը կամ փոխնախարարը: Նրա առաջարկը ակտիվիստները մերժեցին, պահանջելով, որ նախարարի պաշտոնակատարն անձամբ գա եւ լսի իրենց:
Ակտիվիստները հայտարարում են, որ չեն ուզում տեսնել նույնիսկ նախարարի պաշտոնակատարին, հորդորում են միմյանց նստած մնալ:
Ոստիկանապետը մեղադրում է ակտիվիստներին կամայականության մեջ, իսկ ակտիվիստները հակադարձում են, թե վատ օրենք գրելը արդյո՞ք կամայականություն չէ:
Այս պահին ֆինանսների նախարարության աշխատակազմի ղեկավարն է եկել ակտիվիստների մոտ եւ հայտնում է, որ ֆինանսների նախարարի պաշտոնակատարը պատրաստ է ընդունել ակտիվիստներին: Ակտիվիստները չեն համաձայնում աշխատակազմի ղեկավարի հետ, ասելով, որ նախարարի պաշտոնակատարին իրենք սպասում են փողոցում:
Կարդացեք նաև
Մանրամասները՝ շուտով:
Արփինե ՍԻՄՈՆՅԱՆ
