«Յուրաքանչյուր քաղաքացի պետք է անի այն, ինչ օրինական է»,- Aravot.am-ի հետ զրույցում, անդրադառնալով «Դեմ եմ» քաղաքացիական նախաձեռնության ապրիլի 18-ին սպասվող հանրահավաքին, ասաց ԱԺ սոցիալական հարցերի մշտական հանձնաժողովի նախագահ, ՀՀԿ խմբակցության անդամ Հակոբ Հակոբյանը:
Պարոն Հակոբյանը նշեց, որ եթե բողոքն օրինական է, ապա պետք է բողոքել՝ ընտրելով միայն իրավական ճանապարհը:
Հիշեցնենք՝ ապրիլի 12-ին «Դեմ եմ» քաղաքացիական նախաձեռնությունը իր գործնական հավաքի ընթացքում հայտարարել էր, որ ապրիլի 18-ին մեծ բողոքի ակցիա է տեղի ունենալու, որի մանրամասները չեն հրապարակվելու, որպեսզի անակնկալ լինի օրինապահների համար, իսկ իշխանություններն էլ նյարդայնանան:
Խոսելով նախաձեռնության հայտարարության մասին՝ Հակոբ Հակոբյանը բացականչեց.
Կարդացեք նաև
«Իրենք չեն նյարդայնացնի. Իշխանությունները միշտ էլ գտնվում են նյարդայնացած վիճակում»:
Պատգամավորը հրաժարվեց կանխատեսել որեւէ բացառիկ իրավիճակ, քանի որ համարում է, որ նախաձեռնության անդամները շատ լավ հասկանում են, թե ի՞նչ է նշանակում իրավունք եւ պարտականություն:
Ամի ՉԻՉԱԿՅԱՆ
