Հայ-թուրքական արձանագրություններն, ըստ «Ազգային համաձայնություն» կուսակցության ղեկավար Արամ Հարությունյանի, բավականին վնասեցին ոչ միայն Հայոց ցեղասպանության ճանաչման գործընթացին եւ հայ-թուրքական հարաբերություններին, այլեւ` Լեռնային Ղարաբաղի խնդրին:
Պարոն Հարությունյանն այսօր «Փաստարկ» ակումբում կարծիք հայտնեց, որ եթե մինչեւ այսօր հայ-թուրքական հարաբերությունները «ֆուտբոլային» դիվանագիտություն էր համարվում, ապա այսօր այլ խաղ է.«Կարելի է ասել` Սերժ Սարգսյանը ոչ թե շախմատ կամ ֆուտբոլ է խաղում, այլ` «չինգ-ա-չունգ»:
Ապա պարոն Հարությունյանը բացատրեց մանկական այդ խաղի կանոններն ու ներկայացրեց համեմատությունը դիվանագիտության հետ. «Ընդ որում, այն իմաստով, երբ օրինակ քար են ցույց տալիս, հակառակորդը նախապես տեսնում է, որ քար է, ինքն էլ թուղթ է ցույց տալիս, կամ եթե թուղթ են ցույց տալիս, հակառակորդն էլ` մկրատ է ցույց տալիս: Այսինքն` նախապես քայլը գիտեն»:
Ըստ պարոն Հարությունյանի` հայ-թուրքական արձանագրությունների պատճառով, դրսում բոլորը կարծում են, թե մենք ենք մեղավոր, որ հայ-թուրքական հարաբերությունները չեն կարգավորվում, սահմանը չի բացվում եւ այլն: «Կարծում եմ Ցեղասպանության 100 ամյա տարելիցին, այս իշխանություններով չպետք է գնանք»:
Կարդացեք նաև
Մանրամասն` տեսանյութում
Նելլի ԲԱԲԱՅԱՆ
