ՀՀ-ում առաջին անգամ անցկացվեց ձյուդոյի ուսանողական առաջնություն

Մայիսի 1-ին Հայաստանի ուսանողական մարզական 15-րդ խաղերի շրջանակներում անցկացվեց ձյուդոյի առաջնությունը: Այս մարզաձևում ուսանողական խաղերին ուժերը չափեցին 8 բուհերի 60 մարզիկներ։

Հայաստանի ուսանողական ֆեդերացիայի նախագահության անդամ Հովհաննես Գաբրիելյանը նշեց, որ ՀՀ Ուսանողական մարզական խաղերի ծրագրում այս տարի առաջին անգամ են կազմակերպվում ձյուդոյի մրցումներ: Այնուհետև տեղեկացրեց. «Սրանք նախապատրաստական մրցումներ են, որոնց նպատակն է պատրաստվել մյուս տարի բարձր մակարդակով անցկացվելիք ուսանողական առաջնությանը, որի արդյունքում կընտրվի 2015-ին Ուսանողական համաշխարհային ունիվերսիադայի՝ Հայաստանի ձյուդոյի թիմը»: Ըստ Հովհաննես Գաբրիելյանի՝ մասնակիցների թիվն ու հետաքրքրությունը ձյուդոյի առաջնությանը մեծ է, քանի որ ձյուդոն Հայաստանում սիրված օլիմպիական ձև է:
Հայաստանի ուսանողական մարզական խաղերի կազմակերպիչներն են ՀՀ կրթության և գիտության նախարարությունը, Հայաստանի ուսանողական մարզական ֆեդերացիան և Հայաստանի երիտասարդական հիմնադրամը։ Ձյուդոյի առաջնությունը կազմակերպվեց Հայաստանի ձյուդոյի ֆեդերացիայի հետ համատեղ՝ մրցավարական բարձր անձնակազմի մասնակցությամբ:

Ձյուդոյի առաջնության արդյունքները ներկայացնում ենք ստորև.
Քաշային կարգ՝ 60 կգ,
1-տեղ Հովսեփյան Վահագն /ՖԿՀՊԻ/
2-տեղ ՈՒզունյան Հարություն /ՀԱԱՀ/
3-տեղ Բակունց Դավիթ /ԵՊԲՀ/
Քաշային կարգ՝ 66 կգ,
1-տեղ Ավետիսյան Արեգ /ՖԿՀՊԻ/
2-տեղ Գրիգորյան Հրանտ /ՖԿՀՊԻ/
3-տեղ Կարապետյան Համլետ /ՎՊՄԻ/
3-տեղ Սարգսյան Լևոն /ԵՊԲՀ/
Քաշային կարգ՝ 73 կգ,
1-տեղ Մկրտչյան Ալբերտ /ՖԿՀՊԻ/
2-տեղ Մանուկյան Ռաֆիկ /ՎՊՄԻ/
3-տեղ Սիրունյան Նարեկ /ՎՊՄԻ/
3-տեղ Վարդանյան Մանվել /ՏԱՏՀ/ Տերնոպոլ
Քաշային կարգ՝ 81 կգ,
1-տեղ Նիկողոսյան Դավիթ /ՖԿՀՊԻ/
2-տեղ Գառնիկյան Սուրիկ /ՖԿՀՊԻ/
3-տեղ Իշխանյան Դավիթ /ԵՊԲՀ/
3-տեղ Սերոբյան Հովհաննես /Ռազմական ինստիտուտ/
Քաշային կարգ՝ 90 կգ,
1-տեղ Չափարյան Անդրանիկ /ՖԿՀՊԻ/
2-տեղ Աբրահամյան Հարություն /ՀՊՏՀ/
3-տեղ Մարգարյան Մաքսիմ /ՖԿՀՊԻ/
3-տեղ Մուրադյան Սարգիս /Ռազմական ինստիտուտ/
Քաշային կարգ՝ 90+ կգ
1-տեղ Կիրակոսյան Գարեգին /ՖԿՀՊԻ/
2-տեղ Մարգարյան Գոռ /ԵՊՀ/
3-տեղ Աթյան Շամիր /ՎՊՄԻ/
3-տեղ Աջամյան Արթուր /ՀՊՃՀ/:

Հայաստանի երիտասարդական հիմնադրամի
հասարակայնության հետ կապերի ծառայություն