Ներկայումս ընթանում է հանրապետական նշանակության Իջեւան-Բերդ ավտոճանապարհի Վազաշեն –Պառավաքար հատվածի կառուցումը: Շրջանցիկ այդ ճանապարհի երկարությունը 3,2 կմ է: Ճանապարհի կառուցումը պայմանավորված է անվտանգության նկատառումներով: Այդ ճանապարհը կենսական նշանակություն ունի Բերդի տարածաշրջանի համար, քանզի այն սահմանամերձ մարզը կապում է «արտաքին աշխարհի» հետ: Բերդի տարածաշրջանը Իջեւանի հետ կապող մյուս ուղին՝ Իջեւան-Գանձաքար-Իծաքար-Նավուր-Բերդ ավտո ճանապարհն անբարեկարգ է, այն ձգվում է լեռնային տարածքով եւ ձմռան ամիսներին դժվարանցանելի է:
Վազաշեն-Պառավաքար սահմանամերձ, շրջանցիկ ավտոճանապարհի շինարարությունը կատարում է «Իջեւանի ՃՇՇ» ՓԲԸ-ն: Այս ընկերության տնօրեն Արծրունի Ղալումյանը հայտնեց, որ ճանապարհի անվտանգությունն ապահովելու, այն ադրբեջանական գնդակոծությունից զերծ պահելու համար կկառուցվի 205 մետր երկարությամբ պաշտպանիչ պատ: Պատի բարձրությունը տարբեր տեղերում 3, 4 եւ 5 մետր է: Նախկինում հայտարարվել էր, որ նոր ճանապարհը շահագործման կհանձնվի այս տարվա մայիսի վերջին, հունիսին: Արծրունի Ղալումյանը մեզ ասաց, որ Վազաշեն-Պառավաքար ճանապարհը կգործարկվի հուլիսի վերջին:
Ոսկան ՍԱՐԳՍՅԱՆ
Կարդացեք նաև
Տավուշի անպատժելի մարզպետի,նրա հովանավորների և կիսագրագետ աշխատակիցների հերթական ,,հանճարեղ,, գործերից մեկն է:Եթե պատնեշ՝ կարելի էր նախկին ճանապարհը պատնեշապատել,իսկ մանացած գումարը ,,լվանալու,, փոխարեն ուղղել սահմանամերձ գյուղերում մի որևէ գործ անելուն: Այսպես էլ անհայտ է մնում թե տավուշի չարքաշ ու խելոք ժողովուրդը երբ է շունչ քաշելու առանց այս թալանչիների,երբ են արտագաղթածները վերադառնալու իրենց տները և վերջապես երբ է Տավուշում մթնոլորտը ,,մաքրվելու,,:Կարծում եմ ,,անմահ Կոշչեյի,, կյանքի ասեղը գտնվելուն մոտ է,հավանաբար մնացել է ,,ձուն կոտրելը,,:
Արա մեր Ղուլը էնքան վատնա,որ սրան վերևներում էլ չեն ընդունում:Սա տավուշցիներին էլա հոգնեցրել,իրա հովանավորողներին էլ:Մտածում են բա որ տանեն ու իրանց էլ քցի ու թալանի:Լավ բա ոնց անենք՞:
Հետաքրքիր է, 130 մետր վտանգավոր հատվածը շրջանցելու համար 3,2 կմ ճանապարհ է կառուցվում, որը սակայն ոչ միայն չի ապահովում երթևեկի անվտանգությունը, այլև անհրաժեշտություն է առաջանում 205 մետր երկարությամբ 3-5 մետր բարձրությամբ պաշտպանիչ պատ կառուցելու համար՝ առավել ախմախ լուծում հնարավոր չեր գտնել: Հարց է առաջանում, որտեղ մնացին Տավուշի մարզպետի, Իջևանի ճանշինձեռնարկության սեփականատիրոջ և այլոց հավաստիացումներն առ այն, որ նոր կառուցվող շրջանցիկ ճանապարհը լիովին անվտանգ է լինելու: Ովքեր տեղանքը լավ են պատկերացնում և գիտեն հակառակորդի դիրքի տեղակայման վայրը, հստակ կարող են ասել, որ 205 մետր երկարություն և 3-5 մետր բարձրություն ունեցող պաշտպանիչ պատը չի կարող լիարժեք անվտանգություն ապահովել: Սա ընդամենը կառավարությունից փող պոկելու հերթական փորձն է, սակայն ՞օտկատների՞ մեծն վարպետը պետք է հասկանա, որ ժողովրդի անվտանգության հաշվին փողերի մսխումը կարող է վատ հետևանքներ ունանալ:
Եթե այդքան վտանգավոր է,բանվորները ինչպես են աշխատելու այդ հատվածում?Ես չեմ հեգնում,իրոք մտահոգված եմ: