Տավուշի մարզի Վերին Կարմիրաղբյուր համայնքի ղեկավար Կամո Չոբանյանից տեղեկացանք,որ այդ համայնքի բնակիչ, 77-ամյա Մամիկոն Խոջոյանի դին տեղափոխվել է Երեւան: Գյուղապետն ասաց,որ մայիսի 20-ին մահացած Մամիկոն Խոջոյանի մարմինը հետազոտության կենթարկվի, եւ ՀՀ առողջապահության նախարարությունը պաշտոնապես կհայտնի մահվան ստույգ պատճառը:
Հիշեցնենք, որ Մամիկոնը Ադրբեջանի տարածքում հայտնվել էր 2014 թվականի հունվարի 28-ին, մարտի 4-ին Կարմիր Խաչի միջազգային կոմիտեի աջակցությամբ վերադարձվել էր Հայաստան:
Կամո Չոբանյանի խոսքերով՝ ադրբեջանական գերությունից վերադառնալուց հետո Մամիկոն Խոջոյանը շատ էր տանջվում ցավերից, նա համագյուղացիներին չէր ճանաչում, կորցրել էր հիշողությունը:
Ադրբեջանական գերությունից վերադարձած, Վերին Կարմիրաղբյուրի 22-ամյա բնակիչ Արսեն Խոջոյանի առողջական վիճակի մասին գյուղապետն ասաց,որ Արսենը նոր է դուրս գրվել հիվանդանոցից,նրա առողջական վիճակը նորմալ է:
Կարդացեք նաև
Ոչ սահմանամերձ Վերին Կարմիրաղբյուրից երկու բնակիչ ինչպե՞ս են հատել միջպետական սահմանը եւ հայտնվել Ադրբեջանի տարածքում: Գյուղապետն ասաց, որ իրենց գյուղն իրականում սահմանամերձ է: Այգեպար նախկին բանվորական ավանը ստեղծվել է Վերին Կարմիրաղբյուրի,Ներքին Կարմիրաղբյուրի եւ Մովսեսի տարածքների վրա: Համայնքի ղեկավարն ասաց, որ իրենց հողերը սահմանից 1 կմ հեռավորության վրա են գտնվում, իրականում Վերին Կարմիրաղբյուրը սահմանամերձ համայնք է:
Չոբանյանը հայտնեց, որ վերջերս արտասահմանյան դոնոր մի կազմակերպություն Բերդի տարածաշրջանի սահմանամերձ համայնքներում խմելու ջրագծերի շինարարության ծրագիր է ֆինանսավորում: Վերին Կարմիրաղբյուր համայնքը եւս ունի խմելու ջրի հիմնահարց: Բայց քանի որ գյուղը չունի սահմանամերձի կարգավիճակ, չի կարողացել օգտվել այդ ծրագրից:
Ոսկան ՍԱՐԳՍՅԱՆ
Ոսկան . միթե էդքան միամիտ եք, որ չգիտեք սահմանամերերձ լինելն կախված է ոչ թե Ադրբեջանին սահմանակից լինելու, այլ Իջևանին սահմանակից լինելու հանգամանքով Եթե չգիտեք ապա բարի լինեիք հարցնել այդ հարցի լավագույն գիտակ նախկին մարզպետ Ա Ղուլարյանին