«Սակագների խնդիրը սառած խնդիր չէ և ժամանակ առ ժամանակ կատարվում է վերանայում: Բայց այս պահին հստակ որևէ բան չկա»,- այսօր խորհրդարանում, 2013 թվականի բյուջեի կատարողականի քննարկումների ժամանակ հայտարարեց ՀՀ էներգետիկայի և բնական պաշարների փոխնախարար Արա Սիմոնյանը: Փոխնախարարը պատասխանում էր ԲՀԿ-ական պատգամավոր Միքայել Մելքումյանի հարցին:
Փոխնախարարի խոսքով, էներգետիկ համակարգում ներկայումս ստեղծված են որոշակի դժվարություններ, որոնք պայմանավորված են մի շարք օբյեկտիվ հանգամանքներով` սակավաջուր տարիներ են եղել, որոնց հետևանքով նվազել է հիդրոարտադրանքը եւ այլն: «Քննարկումներ ընթանում են և երբ դրանք բերեն նրան, որ սակագին պետք է վերանայվի` կարվի: Այժմ ես որոշակի բան չեմ կարող ասել»,- ասաց փոխնախարարը:
Նելլի ԳՐԻԳՈՐՅԱՆ
