Քիչ առաջ Գորիսի քաղաքապետի նախկին թեկնածու Արա Բուդաղյանը հայտարարություն է տարածել այն մասին, որ հունիսի 8-ին կայանալիք համայնքի ղեկավարի ընտրությանը սատարելու է անկուսակցական, Գորիսի համայնքի ավագանու անդամ, ինքնաառաջադրված Հրայր Յոլյանին:
Արա Բուդաղյանը նաեւ դիմել է իր կողմնակիցներին, աջակիցներին ու իր ընկերներին` կոչ անելով աջակցեն Հրայր Յոլյանին եւ կիրակի օրը քվեարկեն նրա օգտին:
Տեղեկացնենք, որ այս պահին Գորիսում քաղաքապետի 2 թեկնածու է մնացել ընտրապայքարում` ՀՀԿ-ից առաջադրված Վաչագան Ադունցը եւ անկուսակցական, ինքնաառաջադրված Հրայր Յոլյանը:
Հիշեցնենք, որ մյուս թեկնածուներ Արա Բուդաղյանն ու Տիգրան Կարապետյանը մայիսի 20-ին ինքնաբացարկի դիմում են ներկայացրել Սյունիքի մարզի թիվ 37 ընտրատարածքային ընտրական հանձնաժողով եւ դուրս եկել ընտրապայքարից:
Մերի ՍՈՂՈՄՈՆՅԱՆ
Կարդացեք նաև