Հերթական անգամ Կենտրոն եւ Նորք-Մարաշ վարչական շրջանների ընդհանուր իրավասության դատարան չէր ներկայացել Հատուկ քննչական ծառայության քննիչ Է.Հակոբյանը:Նրա որոշման դեմ բողոք է բերել ՊԵԿ նախկին աշխատակից, տնտեսագետ Արտակ Ղուկասյանի պաշտպան Հակոբ Ճարոյանը:
Թե Արտակ Ղուկասյանը, թե նրա հարազատները հայտարարել են, որ Արտակին առեւանգել, խոշտանգումների` ծեծի է ենթարկել Ազգային ժողովի ներկայիս պատգամավոր Վահրամ Մկրտչյանը :Քննիչը ոչ միայն քրեական գործ չի հարուցել առեւանգման համար, այլ քրեական գործ չի հարուցել հակառակ` սուտ մատնության հիմքով:
Հակոբ Ճարոյանն ասաց, որ մեղադրանքի հետ կապված ԱԺ պատգամավորը որեւէ դատական հայց չի ներկայացրել այն լրատվամիջոցների դեմ, որոնք հրապարակել են Ղուկասյաննների հայտարարությունը, հաղորդումը հանցագործության մասին:
Ա.Ղուկասյանի պաշտպանը խնդրեց հետաձգել դատական նիստը, օրը, ժամը «հարմարեցնել» պարոն քննիչի հետ, քանի որ ըստ նրա ինքը հարցեր պետք է տա քննիչին, որպեսզի դատարանը կարողանա գնահատել ասվածը:
Կարդացեք նաև
Դատավոր Ա.Բեկթաշյանն ասաց, որ դատարանը օրը «հարմարեցնելու» իրավասություն չունի:
Դատական հաջորդ նիստը նշանակվեց հունիսի 26-ին:
Ռուզան ՄԻՆԱՍՅԱՆ
