Ռուսաստանի նախագահ Վլադիմիր Պուտինը հորդորել է «համապարփակ» երկխոսություն մեկնարկել Ուկրաինայի արևելքում չդադարող ճգնաժամի մասնակից բոլոր կողմերի միջև:
Նախագահ Պուտինը Մոսկվայում կիրակի օրը հանդես գալով լրագրողների առջև նշել է, թե ողջունում է Ուկրաինայի նախագահ Պետրո Պորոշենկոյի կողմից հայտարարված զինադադարը:
Ռուսաստանի նախագահն ասել է սակայն, որ «ցավոք սրտի» ուկրաինական կողմից շաբաթ օրը բացվել էր հրետանային կրակ՝ նախագահ Պորոշենկոյի կողմից միակողմանի զինադադար հայտարարելուց մեկ օր անց:
Ուկրաինայի սահմանապահ ծառայության համաձայն, ռուսաստանամետ զինյալները հարձակում էին իրականացրել Դոնեցկի մարզում գտնվող ծառայության հենակետերից մեկի ուղղությամբ նախագահ Պորոշենկոյի կողմից միակողմանի զինադադար հայտարարելուց ժամեր անց: Այս հարձակման հետևանքով վնասվածքներ է ստացել Ուկրաինայի առնվազն երեք զինծառայող:
Ուկրաինայի նախագահ Պորոշենկոն նախօրեին ներկայացրել էր խաղաղության իր ծրագրի մանրամասները՝ հորդորելով բոլոր կողմերին աջակցություն ցուցաբերել այս ծրագրի իրականացմանն ու երկխոսության միջոցով կարգավորել իրենց միջև առկա տարբերությունները:
Կարդացեք նաև
Արմեն Հովհաննիսյան
Նյութի մանրամասները կարդացեք «Ամերիկայի Ձայն»-ի կայքում
