Ինչպես արդեն տեղեկացրել ենք , այսօր Եվրոպայի խորհրդի խորհրդարանական վեհաժողովի (ԵԽԽՎ) ամառային նստաշրջանի չորրորդ օրը, ԵԽԽՎ-ում ելույթով հանդես եկավ Ուկրաինայի նախագահ Պետրո Պորոշենկոն:
Խոսելով Ռուսաստան-Ուկրաինա հարաբերությունների հնարավոր կարգավորման մասին՝ Պորոշենկոն հայտարարեց. «Ուկրաինա-Ռուսաստան հարաբերությունների կարգավորումն անհնար է առանց Ղրիմի վերադարձի»:
Պորոշենկոն հիշեցրեց նաև այն, որ ՌԴ նախագահ Վլադիմիր Պուտինն իր զորակցությունն է հայտնել Պորոշենկոյի նախաձեռնած խաղաղության պլանին: Այնուհետև Պորոշենկոն զգուշացրեց, թե Կիևը կարող է «կարևոր որոշում ընդունել», եթե Խաղաղության պլանի անկյունաքարային կետերը չընդունվեն: Պորոշենկոն նաև ակնարկեց եռակողմ հանդիպման` ՌԴ-Ուկրաինա-ԵԱՀԿ եռակողմ բանակցությունների մասին: Ըստ էության, Պորոշենկոն Ռուսաստանին մինչև վաղը ժամանակ տվեց` զգուշացնելով, որ եթե «աշխարհազորայինների հետ բանակցություններում չընդունվեն խաղաղության պլանի անկյունաքարային կետեր, ապա հնարավոր է Կիևը վաղը կարևոր որոշում կայացնի»:
Տաթև ՀԱՐՈՒԹՅՈՒՆՅԱՆ
Կարդացեք նաև
