Հապշտապ կերպով Ռուսաստանի Պետդումայի օրակարգում հայտնված օրինագիծը, որը, հեռարձակողների պնդմամբ, պատրաստվել է առանց համապատասխան մասնագետների հետ խորհրդակցելու, նախատեսում է արգելել վճարովի հեռուստաալիքներով գովազդի ցուցադրությունը։
Այս օրինագծի հեղինակները համարում են, որ վճարովի հեռուստաընկերությունները գտնվում են շատ ավելի շահեկան վիճակում, քան դրանց մրցակիցները, օրինակ՝ կենտրոնական դաշնային ալիքները, քանի որ կաբելային հեռուստաալիքները փող են ստանում միաժամանակ երկու աղբյուրից՝ հեռուստադիտողներից և գովազդատուներից: Մինչդեռ կաբելային խոշոր հեռուստաընկերությունների ղեկավարները հակառակն են պնդում՝ օրինագիծը վտանգի տակ է դնում իրենց հետագա գործունեությունը։
Ռուսաստանի նախագահ Վլադիմիր Պուտինին և վարչապետ Դմիտրի Մեդվեդևին հղած նամակում ռուսաստանյան հեռարձակողները խնդրում են հետաձգել օրենքի ընդունումը՝ մտավախություն հայտնելով, որ գովազդի արգելքը այս դեպքում սպառնում է հեռուստաընկերությունների տնտեսական ապագային։
Լուսինե Մուսայելյան
Նյութի մանրամասները կարդացեք «Ազատություն» ռադիոկայանի կայքում
Կարդացեք նաև
