Հայ ազգային կոնգրեսի անդամներ Սարգիս Գեւորգյանի, Տիգրան Առաքելյանի, Արտակ Կարապետյանի եւ Դավիթ Քիրամիջյանի գործով վճիռների վերաբերյալ երեկ հայց է ուղարկվել Մարդու իրավունքների Եվրոպական դատարան։ Այս մասին հայտնեց երիտասարդների փաստաբան Վահե Գրիգորյանը։
Երիտասարդների գործը վերաբերվում է 2011թ.-ի օգոստոսի 9-ին տեղի ունեցած աղմկահարույց դեպքին, երբ Խնկո Ապոր գրադարանի մոտ ոստիկանական կարմիրբերետավորները սադրանք էին կազմակերպել Կոնգրեսի երիտասարդների նկատմամբ, ինչից հետո նրանց նկատմամբ բռնություն գործադրելով բերման էին ենթարկել ոստիկանության Կենտրոնի բաժին։ Մի քանի ժամ նրանց բաժնում պահելուց հետո մեղադրանք էին առաջադրել խուլիգանություն կատարելու եւ ոստիկաններին դիմադրություն ցույց տալու մեջ եւ կալանավորել էին, ապա դատապարտվել ազատազրկման։
Այս տարվա սկզբին՝ փետրվարի 7-ին, Վճռաբեկ դատարանը հրաժարվել էր ընդունել Հայ ազգային կոնգրեսի երիտասարդների բողոքը։
Անի ԳԵՎՈՐԳՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
