Ո՞նց եմ: Եսիմ ոնց եմ: Ալբերտ էնշտեյնից հարցրեք: Որովհետեւ ինքը ժամանակին շատ ճիշտ նկատել է, որ Հայաստանում ամեն ինչ հարաբերական է՝ անկախությունից մինչեւ աշխատավարձ:
Բայց աշխատավարձը գոնե ֆիզիկայի օրենքներին ենթարկվում է՝ ձմռանը ցրտից կամ միգուցե գազի սակագնից սեղմվում՝ մի պուճուր է դառնում, ամռանը մի փոքր ընդլայնվում է, այն էլ, եղանակային պայմաններից կախված՝ եթե գարնանը կարկուտը ծիրանին չի խփում:
Ի դեպ, այս շոգ օրերին անկախությունն էլ է ընդլանվել՝ կարծես բոլորիս արձակուրդ են տվել՝ ըմբոշխնե’ք: Արձակուրդը կարող է կարճ տեւել: Որովհետեւ մենք, հայերս, երբ անկախություն ենք ունենում, չգիտես ինչու, անմիջապես ուզում ենք դրանով կիսվել ուրիշների հետ:
Այս մեր հայաստանյան կյանքում ամեն ինչ հարաբերական է: Դրա համար էլ, երբ հարցնում եք՝ ո՞նց եմ, ասում եմ՝ դիմեք Ալբերտ էնշտեյնին… Թող ասի իր հեղինակավոր կարծիքը՝ մենք ընդհարապես ապրո՞ւմ ենք, թե՞ հարաբերականորեն….
Կարդացեք նաև
Արմեն Դուլյանի հարաբերական դատողությունները՝ «Առավոտ» թերթի երեքշաբթի օրվա համարում….
