Այսօր խորհրդարանում`Ռուսաստանի եւ Հայաստանի բարեկամական ակումբում հյուրընկալվել էր ՌԴ նախագահի միջազգային եւ մշակութային համագործակցության հատուկ ներկայացուցիչ Միխայիլ Շվիդկոյը: Հանդիպման քննարկման թեման էր` «Հայ եւ ռուս ժողովուրդների մշակութային կապերը. զարգացումներ եւ հեռանկարներ»:
Շվիդկոյի հետ հանդիպումը սկսվեց փոխադարձ հաճոյախոսություններով: ԱԺ փոխնախագահ, ակումբի համանախագահ Հերմինե Նաղդալյանը նկատեց, որ պարոն Շվիդկոյը Հայաստանի լավագույն բարեկամներից մեկն է եւ ցանկություն հայտնեց, որ նման բարեկամների թիվն ավելանա:
Հերմինե Նաղդալյանը հյուրին տեղեկացրեց, որ «Լեզվի մասին» ՀՀ օրենքը պահանջում է, որպեսզի հանդիպումերն ընթանան հայերեն լեզվով, ինչին գլխի եւ ձեռքերի դրական շարժումով արձագանքեց հանդիպմանը ներկա անկախ պատգամավոր Խաչատուր Քոքոբելյանը:
Կարդացեք նաև
Տիկին Նաղդալյանը միաժամանակ նկատեց, որ թարգմանությունն ապահովված է, բայց, քանի որ ժամանակի սղության խնդիր կա, ներկաները կարող են արտահայտվել այն լեզվով, որով հարմար կզգան:
Հիշեցնենք, որ վերջերս տեղի ունեցած մի շարք համանման հանդիպումներ եւ քննարկումներ անցկացվեցին ռուսերեն լեզվով, ինչը բավական մեծ աղմուկ բարձրացրեց եւ քննադատության տեղիք տվեց:
Հանդիպման մանրամասները`քիչ ուշ
Նելլի ԳՐԻԳՈՐՅԱՆ
