Ոստիկանները տեսագրում էին հանրահավաքը
Հոկտեմբերի 4-ի ժամը 17-ից Իջեւան քաղաքի կենտրոնական` Շատրվանների հրապարակը բազմամարդ էր: Երեք քաղաքական ուժերի` ԲՀԿ-ի, ՀԱԿ-ի եւ «Ժառանգության» կազմակերպած հանրահավաքին մասնակցելու էին եկել ոչ միայն Իջեւան քաղաքի եւ տարածաշրջանի գյուղերի բնակիչներ, այլ նաեւ` Նոյեմբերյանի եւ Բերդի տարածաշրջաններից քաղաքական ակտիվիստներ: Հանրահավաքը նկարահանվում էր ոչ միայն տարբեր հեռուստաընկերությունների օպերատորների, այլեւ ոստիկանների կողմից:
Ցածր բարձրության վրա սավառնում էր տեսագրող սարք: Հանրահավաքի ժամանակ զինվորական արտահագուստով մի տղամարդ, ով ուսադիրներ չուներ, հայտարարեց, որ գյուղապետերը խոչընդոտում են հանրահավաքին գյուղերի բնակիչների մասնակցությունը: Հրապարակում էր գտնվում, սակայն հարթակում չէր Իջեւանի քաղաքապետ, ԲՀԿ անդամ Վարդան Ղալումյանը:
Ելույթ ունեցողները` Տիգրան Ուրիխանյանը, Միքայել Մելքումյանը, Վահե Էնֆիաջյանը, Ստեփան Մինասյանը, Ռուբեն Հակոբյանը, Վարդան Մալխասյանը, Արամ Մանուկյանը քննադատեցին Հայաստանի իշխանություններին, նրանց վարած քաղաքականությունը, դեմ արտահայտվեցին սահմանադրական փոփոխությունների նախագծին:
Նրանք պարբերաբար հարցերով դիմում էին հավաքված ժողովրդին, եւ հավաքվածները խրախուսական բացականչություններ էին անում: ԱԺ պատգամավոր Արամ Մանուկյանը, եզրափակելով հանրահավաքը, բոլորին հրավիրեց հոկտեմբերի 10-ին Երեւանում կայանալիք հանրահավաքին, ասաց. « Գնում ենք, հոկտեմբերի 10-ին սկսում ենք, այս երկիրը մաքրելու ենք էդ հիվանդությունից, էդ ախտից, էդ բաշիբոզուկներից: Եվ մաքրելու ենք միասին»:
Կարդացեք նաև
Ոսկան ՍԱՐԳՍՅԱՆ
Ահաաա: 5—շարասյունը էս ոնց են խառնվել : Ամե՛ն անգամ երբ Հայաստանի համար ի վերջո պիտի մի լավ փոփոխություն լինի, սրանք պիտի “թանի ճանճի” նման մեջտեղ հելնեն: Էդքան մի հուզվեք, պարոնայք: Ոչինչ չի ստացվելու:Ձեր հանրահավաքները խիստ սակավամարդ են)))))))))
Ազգովի երբևէ ինչ որ բան արե*լ եք:Գծված սցենար իրականացնողներ եք և այդպես էլ կանեք:Խաղաղ փրկվել հենց սերժին է պետք, պատերազմը ռոբի թևով կգա:
Hayk-ին. Հայասըանում մի լավ բան անելը,դա առայժմ՝այս իշխանական բանդայից ազատվելն է եւ կառավարումը ժողովրդին վերադարձնելն է։
Ախտի, բաշիբոզուկների առաջին կառկառուն ներկայացուցիչները հենց ՀՀՇ-ական հրոսակախմբերն էին, գալով իշխանության` հիմնադրեցին հայկական բաշիբոզուկությանը մեր հայրենիքում:Ներկայիս իշխանություններն էլ նրանց արժանավոր հետևորդներն են` իրենց անթերի հակահայ, անգերազանցելի որկրամոլ, թալանչիական բնութագրով: