«Կապան» քաղաքացիական շարժման համակարգող Գագիկ Ղահրամանյանը բացատրել է, թե ինչու սյունեցիները չընդվզեցին Սուրիկ Խաչատրյանին Սյունիքի մարզպետի պաշտոնում վերանշանակելու որոշման դեմ, եւ ինչ մթնոլորտ է այժմ տիրում Սյունիքում։
– Ի՞նչ բարոյահոգեբանական մթնոլորտ է մարզում, մարդիկ ահաբեկվա՞ծ են, թե՞ համակերպված շարունակում են իրենց կյանքը:
– Սյունիքում նույն այն բարոյահոգեբանական մթնոլորտն է, ինչ Հայաստանի մյուս մարզերում։ Մարդիկ ոչ այնքան ահաբեկված են, որքան հուսահատված։ Շատերի մոտ առկա է արտագաղթելու տրամադրություն, եւ դա է ամենասարսափելին։
– Ձեր կարծիքով, ինչո՞ւ Սյունիքի ժողովուրդը չընդվզեց Սուրիկ Խաչատրյանին Սյունիքի մարզպետ վերանշանակելու որոշման դեմ։ Ի՞նչ են մտածում սյունեցիները։
Կարդացեք նաև
– Սյունեցին իրատես է եւ շատ լավ հասկանում է, որ այս քրեաթալանչիական համակարգի որեւէ անձի, թեկուզ եւ ամենաբացասական նկարագրի տեր, փոփոխությամբ էական ոչինչ չի փոխվի։ Համակարգը ամբողջությամբ պետք է կազմաքանդվի եւ նորը կառուցվի։ Սյունեցին, ինչպես եւ Հայաստանի մյուս մարզերի բնակիչը, հեռացել է առօրյա հոգսերի տիրույթ եւ լուռ անհամբերությամբ սպասում է համահայկական ընդվզմանը։ Առանձին վերցրած մեկ մարզում պայքարը չի կարող արդյունավետ լինել։
Լ. Բ.
Հարցազրույցն ամբողջությամբ կարող եք կարդալ «Հայկական ժամանակ» թերթի այսօրվա համարում
