Սուրիկ Խաչատրյանին Սյունիքի մարզպետի պաշտոնում վերանշանակելու կառավարության որոշումն ընդունվել է «Կառավարության գործունեության կարգը սահմանելու մասին» նախագահի հրամանագրի պահանջների խախտմամբ։
Հրամանագրի 49-րդ կետով սահմանվում է, որ կառավարության որոշումն ընդունվում է բաց քվեարկությամբ։ Որոշումը համարվում է ընդունված, եթե դրանց օգտին քվեարկել է նիստին մասնակցող կառավարության անդամների կեսից ավելին։ Քվեարկությունը կատարվում է «կողմ» եւ «դեմ» ձայներով։ Քվեարկությանը մասնակցում են միայն վարչապետը եւ նախարարները։ Ձայների հավասարության դեպքում վարչապետի ձայնը վճռորոշ է։
Կառավարության սեպտեմբերի 25-ի նիստում, երբ Հովիկ Աբրահամյանն ընթերցեց Սուրիկ Խաչատրյանին Սյունիքի մարզպետ նշանակելու մասին որոշման նախագիծը, քվեարկություն տեղի չունեցավ։ «ՀԺ»-ի թղթակիցն արձանագրել էր. Հովիկ Աբրահամյանը, ընթերցելով կառավարության՝ Սուրիկ Խաչատրյանին Սյունիքի մարզպետ նշանակելու որոշումը, հետաքրքրվեց. «Հարցեր կա՞ն», կառավարության եւ ոչ մի անդամ որեւէ հարց չուներ, ուստի Աբրահամյանը շնորհավորեց Խաչատրյանին եւ մաղթեց արդյունավետ աշխատանք։ Այսպիսով՝ որեւէ քվեարկություն չի եղել։
Ընդհանրապես, կառավարության բոլոր նիստերն են այդպես անցնում, եւ բոլոր որոշումներն ընդունվում են նույն ձեւով։ Նախագծի հեղինակ հանդիսացող գերատեսչության ղեկավարը կառավարությանն է ներկայացնում դրա բովանդակությունը, նիստը վարողը՝ վարչապետը կամ փոխվարչապետը, դիմում է ներկաներին. «Հարցեր կա՞ն»։ Եթե հարցեր չեն լինում, նիստը վարողն արձանագրում է. «Հաստատեցինք»։
Կարդացեք նաև
Գագիկ ԱՂԲԱԼՅԱՆ
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում