Հոռոմի խաչմերուկում այրված միկրոավտոբուսը պատկանում է «Տրանս ակնթարթ», ընկերությանը, որը մրցույթով շահել և սպասարկում է Գյումրի-Երևան երթուղին: «Տրանս ակնթարթ» ընկերության բաժնետերերից է ԲՀԿ-ական պատգամավոր Մարտուն Գրիգորյանը: Մենք պատգամավորին հանդիպեցինք Գյումրու դիահերձարանում, որտեղ վերջինս իր թիմակիցների ու հոր հետ եկել էր օգնելու զոհվածների հարազատներին: Մարտուն Գրիգորյանը մեզ հետ զրույցում ասաց, որ մահացած վարորդը իրենց ընկերության ամենաբարեխիղճ վարորդներից է, որը 30 տարուց ավելի փորձ ունի: Պատգամավորը, ցավակցելով զոհերի ու տուժածների ընտանիքներին, ասաց, որ զոհվել է նաև իր ընկերոջ որդին, մահացածներից երկուսն էլ իրենց ընտանիքին հարազատ մարդիկ են: Նա նաև պարզաբանեց, որ մեքենան տեխնիկապես նորմալ վիճակում է գտնվել: «Գազաբալոնի պայթյուն տեղի չի ունեցել, այսինքն` որ մենք մտածենք բալոնների հետ կապված խնդիր է եղել, որքան որ ներկայացրել են ընդհանուր վթարի հանգամանքը, ավելի շատ կամազ մեքենայի վառելիքն է, որ լցվել է գազելի մեջ, և վառելիքի այրվելու հետևանքով է այրվել միկրոավտոբուսը: Չնայած փորձաքննություն է ընթանում և հետո կիմանանք՝ ինչ է եղել: Իսկ էդ մեքենան, որը վթարի է ենթարկվել, երեք , թե չորս օր առաջ կապիտալ վերանորոգումից էին հանել, տեխնիկական վատ վիճակի մասին խոսք լինել անգամ չէր կարող», -ասաց Մարտուն Գրիգորյանը:
Պատգամավորը նա նշում է, որ Հոռոմի հատվածում միշտ վթարներ են լինում և հիմնականում մահվան ելքով: Ըստ նրա, թեև ճանապարհները մաքուր են, բայց մի բան պետք է անել, որպեսզի Հոռոմից կամ Արթիկից եկող մեքենաները հասկանան, որ իրենք մայրուղի են դուրս եկել: Մարտուն Գրիգորյանի ասելով, հիմնական վթարների հիմնական պատճառն այն է, որ մեքենայի վարորդները չեն զգում, որ իրենք դուրս են եկել մայրուղի:
Պատգամավորի ամբողջական խոսքը՝ տեսանյութում
Նշենք, որ պատգավորը դիահերձարանից գնաց Գյումրու բժշկական կենտրոն , հետաքրքրվեց տուժածների առողջական վիճակով և ֆինանսական օգնություն ցուցաբերեց նրանցից բոլորին:
Կարդացեք նաև
Նունե ԱՐԵՎՇԱՏՅԱՆ