Երգիչ Արսեն Գրիգորյանը (Մրոն) Aravot.am-ի հետ զրույցում դատապարտում է Բերձորում «Հիմնադիր խորհրդարանի» կազմակերպած ավտոերթի մասնակիցների վրա կատարված հարձակումը:
«Ինչ էլ եղած լինի, ինձ համար անընդունելի է հայը հային ծեծելը, էլ ուրիշ բան չեմ ուզում ասել»,-նշում երգիչը, որը նոր է վերադարձել Արցախից: Ասում է՝ ընկերներով սահման էին գնացել, հանդիպել զինվորների հետ, երգել ու փորձել իրենց ոգին բարձրացնել:
Նրա ձեւակերպմամբ, կարեւոր է Հայաստանի եւ Արցախի սահմանների ամրությունը: «Արտաքին ճնշումներ ունենք, ու ամեն ինչ արվում է, որպեսզի մեզ շեղեն ու խափանեն Ցեղասպանության հարյուրամյա տարելիցը: Դրա մեջ մտնում է նաեւ սահմանի լարվածությունը»,- առանց «փակագծերը» բացելու ասաց Մրոն:
Գոհար ՀԱԿՈԲՅԱՆ
Լուսանկարը՝ allgorhythmrecords.com-ից
