Այսօր Հիմնադիր խորհրդարանի անդամ Տիգրան Խզմալյանը հրավիրվել էր Հատուկ քննչական ծառայություն`հունվարի 15-ին ՀՀ-ում ՌԴ դեսպանատան դիմաց տեղի ունեցածի առիթով:
Հիշեցնենք, խոսքը վերաբերվում է Գյումրիում, Ավետիսյանների ընտանիքի սպանդից հետո տեղի ունեցած ակցիային, որի ժամանակ ոստիկանները քաշքշել էին ցուցարարներին ու բերման էին ենթարկել:
Տիգրան Խզմալյանը ներկայացել է ՀՔԾ`ծանուցագրում նշված ժամին`16.00-ին, սակայն, մինչ այժմ նա ներս չի հրավիրվել: «Ասացին, որ քննիչը զբաղված է, ինչ-որ առերեսում է ընթանում, բայց ծանուցագրում նշված ժամից 45 րոպե է անցել, ես էլ վատառողջ եմ: Եթե մի 10-15 րոպեից չհրավիրեցին, պատրաստվում եմ զանգել եւ ասել, որ այլեւս չեմ կարող սպասել, թող ուրիշ օր ժամանակ գտնեն»,- Aravot.am-ի հետ զրույցում ասաց Տիգրան Խզմալյանը:
Նելլի ԳՐԻԳՈՐՅԱՆ
Խզմալյանը Հիմնադիր խորհրդարանի անդամ չի: