«Ոնց էր երևում Լևոն Տեր-Պետրոսյանի բացակայությունը. ոչ մի քաղաքական ուղերձ խորհրդաժողովը չէր պարունակում։ Իսկ դեմքերի ու մասնակիցների առումով կատարյալ սնանկություն էր»,-Aravot.am-ի հարցին`ինչպե՞ս կգնահատի ԲՀԿ առաջնորդ Գագիկ Ծառուկյանի հրավիրած ոչ իշխանական ուժերի խորհրդաժողովը, այսպես պատասխանեց ՀՀԿ խմբակցության պատգամավոր Կարեն Ավագյանը:
ՀՀԿ-ական պատգամավորը խորհրդաժողովին նոր, հետաքրքիր բան` ո՛չ դեմքերի, ո՛չ ելույթների և ասելիքների առումով չի տեսել, այլ նկատել է Գագիկ Ծառուկյանի վախեցածությունը: Հետաքրքրվեցինք` ի՞նչ վախի մասին է խոսքը, Կարեն Ավագյանը պատասխանեց. «Ըստ էության, Ծառուկյանը վախեցած է սահմանադրական բարեփոխումներից, որոնք անկախ իր քմահաճույքից, տեղի են ունենալու։ Վախեցած է, որովհետև մի պահ մտքով անցել էր նախագահի թեկնածու լինել»:
ՀՀԿ-ականի աչքով էր ընկել խորհրդաժողովի անցկացման սրահը, որն, ըստ նրա, այլ նպատակներով կարելի էր օգտագործել:
Մեր այն հարցին` այդ ինչպե՞ս է նման պատասխանատու հայտարարություններ անում սահմանադրական բարեփոխումների մասին, ինչ-ինչ հստակեցումնե՞ր են մտցվել իշխանական խոհանոցում: Կարեն Ավագյանը, չցանկանալով ավելի բացել փակագծերը, ասաց. «Մնացածը` ՀՀԿ Գործադիր մարմնի նիստից հետո»:
Կարդացեք նաև
Տաթև ՀԱՐՈՒԹՅՈՒՆՅԱՆ
