Դատական դեպարտամենտի նախկին ղեկավար Միսակ Մարտիրոսյանը ավարտեց իր ցուցմունքը: Նա հայտնեց, որ ՀԿԳ քննիչ Դավիթ Գեւորգյանը, որը հետագայում տեղափոխվել է այլ աշխատանքի, եկել է «Վարդաշեն» ՔԿՀ՝ իր հետ բերելով կալանքը երկարացնելու մասին որոշումը: Ասաց, որ նա հայտնել է, թե լիազորված է ՀՀ գլխավոր դատախազի տեղակալ Հրաչ Բադալյանի անունից, որ եթե վճռաբեկ դատարանի նախագահի դեմ բան կասես, դրանից հետո կփոխվի կալանքը:
Մ. Մարտիրոսյանը հայտնեց նաեւ, որ այդ առաջարկից հետո քննիչը քննչական գործողություններ չի արել, հետագայում իմացել է, որ նրան եւ հսկող դատախազին ազատել են աշխատանքից:
Մ. Մարտիրոսյանը հայտնեց, որ 8 անգամ դիմում է գրել գլխավոր դատախազին, որ քրեական գործ հարուցեն եւ նաեւ խնդրել է, որ հսկողությունը գլխավոր դատախազի տեղակալի վրա չմակագրեն:
Դրան հակադարձեց կարգադրիչների գործով մեղադրանքը պաշտպանող դատախազ Սասուն Խաչատրյանը, ասելով, որ որպեսզի թյուր կարծիք չստեղծվի, հսկող դատախազ Ազատ Մարգարյանը իր դիմումի համաձայն է դուրս եկել համակարգից՝ արտերկիր գնալու համար, իսկ քննիչն էլ տեղափոխվել է այլ աշխատանքի:
Կարդացեք նաև
«Թեժ» մանրամասներն՝ առաջիկայում:
Ռուզան ՄԻՆԱՍՅԱՆ
