Տարածքային կառավարման կառույցները, որոնց թվում է նաեւ Միգրացիոն ծառայությունը, Հիդրոմետ Ծառայությունը՝ կտեղափոխվեն Դավթաշեն վարչական շրջան, որտեղ տեղակայված է նաեւ արտակարգ իրավիճակների նախարարությունը: Այսօր այս մասին կառավարության նիստում ասաց քաղաքաշինության նախարար Նարեկ Սարգսյանը:
Նարեկ Սարգսյանն ասաց, որ այդ կառույցների տեղափոխումը կազմակերպելու, շինարարություն անելու համար անհրաժեշտ է 990 միլիոն դրամ: Վարչապետն ի պատասխան ասաց, որ տվյալ կառույցներից մեկի շենքը կարող են օտարել եւ այդ հարցերը լուծել:
Նախարարն ասաց, որ միայն Հայպետհիդրոմետի շենքը գնահատել են 830 միլիոն դրամ:
Վարչապետը հաստատեց վերոնշյալ կառույցների տեղափոխումը:
Լուսինե ԲՈՒԴԱՂՅԱՆ
