ԱԺ նիստում քվեարկության դրվեց եւ մերժվեց «Ժառանգության» պատգամավոր Զարուհի Փոստանջյանի՝ «2015-ի հունվարի 12-ին Գյումրիում տեղի ունեցած դաժան սպանությունների կապակցությամբ ԱԺ հայտարարության նախագիծն» ԱԺ 7-րդ նստաշրջանի օրակարգում ընդգրկելու մասին հարցը:
Մինչ քվեարկությունը ընդդիմադիր պատգամավորները սկսեցին կոչ անել ՀՀԿ-ին , որ գոնե նախագիծն օրակարգում մտցնելու հարցին կողմ լինեն, տեքստը միմյանց հետ համաձայնեցնեն:
Ալեքսանդր Արզումանյանի խոսքերով՝ տեքստի հետ կապված կան տարընթերցումներ եւ տարբեր մոտեցումներ. «Կարելի է աշխատել եւ նորմալ տեքստ գրել՝ ձեր պահանջներին համապատասխան: Բայց սա քաղաքական ուղերձ է՝ մեր ռուսաստանցի գործընկերներին ուղերձ ենք հղում, որ սա շատ մեծ հնչեղություն ունի ՀՀ-ում եւ ԱԺ-ն չի կարող անմասն մնալ այդ քննարկումներին: Ձեր մեծամասնության ընտրած նախագահ Սերժ Սարգսյանը վերջերս խոսում էր զենքի մատակարարման անընդունելիության մասին, թե ինչ է զգում մեր զինվորը, երբ իր վրա կրակում են ռուսաստանյան զենքով: Հիմա էլ մենք կարող ենք մեր պատգամը հղել, թե ինչ է զգում մեր քաղաքացին, երբ ռուս զինվորը մտնում եւ գնդակահարում է իրեն»:
Նրան պատասխանեց ԱԺ փոխխոսնակ Էդուարդ Շարմազանովը՝ ճշտելով. «Մեր մեծամասնության ընտրածը չի, հայ ժողովրդի մեծամասնության կողմից ընտրված նախագահն է»:
Կարդացեք նաև
Հռիփսիմե ՋԵԲԵՋՅԱՆ
