Ֆրանսիայի Ռազմական հետազոտությունների հիմնադրամի փորձագետ Կայծ Մինասյանը «Առավոտ»-ի հետ զրույցում պատասխանելով հարցին, թե ինչո՞ւ Սերժ Սարգսյանն անդրադարձավ Ռուսաստանի կողմից Ադրբեջանի զենքի վաճառքի թեմային, նկատեց. «Ռուսներն առաջարկեցին, որպեսզի Ադրբեջանն անդամակցի ԵԱՏՄ-ին` դրա դիմաց, թերեւս, խոստանալով ազատագրված շրջանների կամ ուղղակի Ղարաբաղի վերադարձն Ադրբեջանին: Ադրբեջանը հրաժարվեց անդամակցել ԵԱՏՄ-ին: Սերժ Սարգսյանն այս ժամանակ այլ խաղ վարեց` գիտակցելով, որ Ռուսաստանի եւ Ադրբեջանի միջեւ հարաբերություններն այնքան էլ լավ չեն: Եթե Հայաստանը չանդամակցեր ԵԱՏՄ-ին` ՌԴ-ն կխանգարեր Հայաստանի կայունությանը, հիմա որեւէ պատճառ չունեն դա անելու: Ռուսներն ամենուր թեժ վիճակ չեն ցանկանում, կա ուկրաինական ճգնաժամ, ինչպես նաեւ ՌԴ-ի ներսում սոցիալ-տնտեսական խնդիրներ կան: Այս իրավիճակում Սերժ Սարգսյանն իր դիվանագիտական մարտավարությունը գործածեց. օգտագործելով ՌԴ-ի եւ Ադրբեջանի միջեւ որոշակի խնդիրները, խոսեց Ռուսաստանի կողմից Ադրբեջանին զենք վաճառելու թեմայի մասին»:
Կայծ Մինասյանի հետ հարցազրույցն ամբողջությամբ կարդացեք վաղվա տպագիր «Առավոտ»-ում:
Էմմա ԳԱԲՐԻԵԼՅԱՆ
