Ողջունելով Հայաստանում առկայ գաղջ մթնոլորտը փոխելուն ուղղուած իւրաքանչիւր նախաձեռնութիւն, մասնավորապէս՝ Հիմնադիր խորհրդարանի գործնականութիւնը, ԱԻՄ-ը իր խորին մտահոգութիւնն է յայտնում Հայաստանում արդէն բնականոն դարձող խաղաղ նախաձեռնութիւնների դէմ անպատիժ բռնարարքների գործելակերպի կապակցութեամբ։ Խաղաղ հանրահաւաքի նկատմամբ սադրանքներն ուղղուած են Հայաստանի բոլոր քաղաքացիների դէմ եւ կրելով հակասահմանադրական բնոյթ վտանագում են եւ սահմանադրական կարգը եւ պետութիւնը։
ԱԻՄ ներկայացուցչական խորհուրդը դատապարտում է մարտի 28-ին Գիմւրիում Հիմանադիր Խորհրդարանի խաղաղ միջոցառման նկատմամբ յանցաւոր տարրերի անառողջ դրսեւորումները, դրանց ուղեկցող իրաւապահ մարմինների անգործութիւնը, եւ արձանագրում, որ հենց այդ՝ օրէնսդրութեամբ սահմանուած պարտաւորութիւնները չկատարելու հետեւանք է այն, որ սադքրանքները վերաճել են քրեական յանցագործութեան։
ՀՀ իրաւապահ մարմինները պարտաւոր են շուտափոյթ կերպով բացայայտել (ըստ էութեան արդէն հանրութեանն յայտնի) բոլոր յանցաւոր տարրերին՝ դանակահարողներին, ինքնաշարժերի վրայ քարեր նետողներին եւ նրանց կանգնեցնել օրէնքի ողջ խստութեամբ պատասխան տալու իրողութեան առաջ։
Հակառակ դէպքում մենք պէտք է արձանագրենք, որ գործ ունենք ՀՀ բարձրագոյն իշխանութիւնների ոչ միայն հովանաւորութեամբ այլեւ նրանց անմիջական հրահանգով իրականացուող համակարգային իրաւախախտուների հետ։
Կարդացեք նաև
ԱԻՄ ՆԵՐԿԱՅԱՑՈՒՑՉԱԿԱՆ ԽՈՐՀՈՒՐԴ
խենթ, անմիտ եւ անիմաստ, ինքնասպանական բախումի մէջ անփութորէն նետված զինվորի ճակատագրի տէրը, հիմնական առաջին եւ պատասխանատուն՝ իր հրամանատարն է… թէ որ ան իր կեանքից լիովին զզվել է, այդ իր խնդիրն է, սակայն իրաւունք չունի ուրիշներն ալ իր հետ տանելու դէպի անդունդ…