«Սպառողների խորհրդատվություն» կենտրոնի նախագահ Կարեն Չիլինգարյանն այսօր «Զարկերակ» մամուլի ակումբում անդրադառնալով մարտ եւ ապրիլ ամիսներին գրանցված նախատոնական թանկացումներին, նշեց, որ գնային տատանումները Հայաստանում վաղուց են սկսվել եւ արդեն դարձել են պարբերական եւ սովորական։
Պրն Չիլինգարյանը փաստեց, որ Զատիկից առաջ նախատոնական թանկացումները մինչ օրս այդքան էլ շատ չէին, սակայն այսօրվանից գները սկսել են բարձրանալ։
Բանախոսը նկատեց, որ այսօր արդեն կանաչեղենը 20-50 տոկոսով թանկացել է։ Մինչդեռ հավկիթը եւ ձկնամթերքը չեն թանկացել։ Պրն Չիլինգարյանը փաստում է նաեւ, որ իշխան ձկան գինն անգամ 2000 դրամից նվազել է։
Պրն Չիլինգարյանը բացատրում է, որ ձուն չի թանկացել այն պատճառով,որ ձու արտադրում են խոշոր ընկերություններ եւ այն չեն վաճառում միջնորդի միջոցով, մինչդեռ կանաչին վաճառվում է միջնորդի միջոցով, այդ իսկ պատճառով էլ այն ավելի թանկ է վաճառվում։
Կարդացեք նաև
Ինչ վերաբերում է ապրիլի յոթից առաջ ծաղիկի ․շուկայում սպասվող թանկացումներին, պրն Չիլինգարյանն ասաց, որ ինչպես մարտի ութից առաջ, այնպես էլ ապրիլի յոթից առաջ ծաղիկները կթանկանան։
«Այս թանկացումներն ամեն տարի էլ կան եւ սրան է հանգեցնում երկրի տնտեսական վիճակը»,-վստահեցրեց բանախոսը։
Էլյա ՀՈՎՀԱՆՆԻՍՅԱՆ
