Այսօր ԱԺ նիստում ԲՀԿ խմբակցության ղեկավար Նաիրա Զոհրաբյանը հայտարարեց. «Իրաքում եզդիների հանդեպ լարվածությունը սրվել է»: Նա առաջարկեց, որ Օսմանյան կայսրությունում եզդիների հետ տեղի ունեցածը ցեղասպանություն ճանաչելու մասին օրինագիծը, որը լուրջ մասնագիտական քննարկում եւ վերլուծություն է պահանջում, մշակել հետո, իսկ այս պահին անհրաժեշտ է հայտարարություն ընդունել ներկայիս իրավիճակի մասին. «ԲՀԿ-ն ունի մեկ առաջարկ, այն, ինչ կատարվում է այսօր եզդիների հանդեպ Հյուսիսային Իրաքում գոնե մինչեւ ապրիլի 24-ը դրան տալ խորհրդարանի կողմից գնահատական: Դա մեր բարոյական պարտքն է, որ մեր եզդի եղբայրների հանդեպ տեղի ունեցածին տանք գնահատական»:
Նաիրա Զոհրաբյանը առաջարկեց քննարկում կազմակերպել խմբակցությունների հետ եւ հայտարարության տեքստ մշակել:
Գալուստ Սահակյանը դեմ չէր. «Համամիտ ենք բոլորս էլ»:
Հռիփսիմե ՋԵԲԵՋՅԱՆ
