Անդրադառնալով մայիսի 4-ին Հիմնադիր խորհրդարանի 5 անդամների ազատ արձակմանը, «Human Rights Watch» միջազգային իրավապաշտպան կազմակերպությունը նշել է, որ նրանց հակասական մեղադրանք է առաջադրվել՝ մայրաքաղաքի փողոցներում անկարգություններ ծրագրելու համար:
Կազմակերպությունը կոչ է արել Հայաստանի իշխանություններին վերանայել մեղադրանքները, որոնք պարունակում են հնարավոր միջամտություն ակտիվիստներին մտքի, խոսքի եւ հավաքների իրավունքներն իրականացնելիս:
Իրավապաշտպան կազմակերպության Հարավային Կովկասի ավագ հետազոտող Գեորգի Գոգիան նշել է. «Հայաստանի իշխանությունների որոշումը ազատ արձակել ակտիվիստներին գրեթե մեկ ամսվա նախնական կալանքից հետո, դրական քայլ է: Այժմ իշխանությունները պետք է համոզեն, որ առաջադրված մեղադրանքները չեն բերի հավաքների ու արտահայտվելու ազատության իրավունքների խախտումների:
Ավագ հետազոտողը նաեւ հավելել է, թե «քաղաքական ակտիվիստների ազատ արձակումը ճիշտ է նաեւ հաշվի առնելով Հիմնադիր խորհրդարանի ոչ բռնի տեսակետները եւ ձերբակալման վստահելի եւ օրինական հիմքերի բացակայությունը: Իշխանությունները պետք է նաեւ ապահովեն ակտիվիստների ազատությունների եւ իրավունքների իրացումը»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
