Նախագծերի`կառավարության կողմից ներկայացվող ձեւի`շտապ եւ հապճեպ, մասին այսօր խորհրդարանական ճեպազրույցներում դժգոհություններ հայտնեցին նաեւ ՕԵԿ-ական Հովհաննես Մարգարյանը եւ Մհեր Շահգելդյանը: Նրանք կարծում են, որ կառավարությունը մինչեւ վերջ չի ուսումնասիրում դաշտը, նախաձեռնությունն է անում, որոնք գործարարությամբ զբաղվող մարդկանց տեւական ժամանակ դնում են անորոշության մեջ ու հետո սկսում մտածել`ի՞նչ անել:
Մհեր Շահգելդյանը հայտարարեց, որ այս ընթացքում 700 մանր ու միջին ձեռնարկատիրական հիմնարկներ են փակվել ու դա պետք է ցուցիչ լինի կառավարության համար`դադարեցնելու փոքր ու միջին բիզնեսի կործանմանն ուղղված իր քաղաքականությունը:
«Եկամտահարկի մասին» եւ «Շահութահարկի մասին» նախագծերին ՕԵԿ-ը դեմ է եղել, քանի որ շատ ահազանգեր է ստացել, մարդիկ բազմաթիվ մտահոգություններ ունեն: Հովհաննես Մարգարյանը հիշեցրեց, որ գործազրկության տեսանկյունից թիվ մեկ հորիզոնականում`մոտ 40 տոկոս, Շիրակի մարզն է, ուստի, բնական է, որ այդ մարդկանց մտահոգությունների հետ իրենք պետք է հաշվի նստեն:
Այլ մանրամասները` տեսանյութում
Կարդացեք նաև
Նելլի ԳՐԻԳՈՐՅԱՆ
