Երեւանի ավագանու հերթական նիստից հետո ՀՀ փոքր ՀԷԿ-երի միության նախագահ, Երեւանի ավագանու ՀՀԿ-ական անդամ, ֆինանսատնտեսական հանձնաժողովի նախագահ Նաիրա Նահապետյանի հետ զրուցեցինք վերջին շրջանում հանրային հնչեղություն ստացած էլեկտրաէներգիայի սակագնի թանկացման խնդիրների շուրջ եւ խնդրեցինք գնահատել ստեղծված իրավիճակը։
– Տիկին Նահապետյան, ինչպե՞ս եք գնահատում առաջիկայում էլեկտրաէներգիայի սակագնի կտրուկ բարձրացումը։
– Իմ վերաբերմունքը իհարկե բացասական է, քանի որ յուրաքանչյուր լումայի ավելացումը անմիջականորեն կազդի Հայաստանի տնտեսության վրա։ Սպասում եմ ե՛ւ որպես արտադրող, ե՛ւ որպես քաղաքացի, ե՛ւ որպես ՀՀ արդյունաբերողների միության անդամ։
– Ըստ Ձեզ, ի՞նչ առաջարկ պետք է անի Հանրային ծառայությունները կարգավորող հանձնաժողովը, որ թուլացնի լարվածությունը։
Կարդացեք նաև
– Ես կարծում եմ, որ սա այնքան այդ հանձնաժողովի հարցը չէ, որքան ՀԷՑ-ում ստեղծված իրավիճակի շտկման։ Իրավիճակը կարգավորելու համար անհրաժեշտ են գումարներ, եւ Հանրային ծառայությունները կարգավորող հանձնաժողովը նաեւ ականջալուր պետք է լինի սպառողի բողոքին, հաշվի առնի սպառողի կարծիքը եւ ճշգրիտ լուծում ապահովի ստեղծված իրավիճակից դուրս գալու համար։
– Ըստ Ձեզ, ի՞նչ չափի բարձրացում է լինելու եւ ինչ կերպ է այն ազդելու շարքային քաղաքացու կենսամակարդակի եւ Հայաստանի տնտեսության վրա։
– Ես կարծում եմ, որ այն սակագինը, որ ներկայացվել է, ՀԾԿՀ-ն չի կարող այդ չափով տրամադրել, ես չեմ կարող ասել, դա ՀԷՑ-ի մեղքն է, սպառողի՞, թե՞ արտադրողի, որովհետեւ այն սակագները, որ արտադրողն ունի, բավականին ցածր են։
Մելանյա ԾԱՌՈՒԿՅԱՆ
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
