Օրերս ԱԺ ՀԱԿ խմբակցության քարտուղար Արամ Մանուկյանը Կրթության եւ գիտության նախարարի տեղակալ Կարինե Հարությունյանին հարց էր ուղղել՝ արդյո՞ք ԿԳ նախարարությունը համաձայնություն տվել է «Գազպրոմ» ընկերության կողմից Հայաստանում ռուսական դպրոցի բացմանը:
Տիկին Հարությունյանն էլ պատասխանել էր, որ տեղյակ չէ, կճշտի ու կասի:
Aravot.am-ը ԿԳ նախարարությանը ուղղեց նույն հարցը: Գերատեսչությունից փոխանցեցին հետեւյալը. «Կրթության եւ գիտության նախարարության Լիցենզավորման գործակալությունը «Գազպրոմ» ընկերության կողմից կրթական գործունեություն իրականացնելու որեւէ հայտ չի ստացել»:
Չնայած սրան, մայիսի 14-15-ը Երևանում անցկացվող Եվրոպական բարձրագույն կրթական տարածքի նախարարական գագաթաժողովի եւ Բոլոնիայի գործընթացի 4-րդ քաղաքական ֆորումի շրջանակներում ՀՀ ԿԳ նախարար Արմեն Աշոտյանը, հանդիպելով ՌԴ ԿԳ նախարար Դմիտրի Լիվանովի հետ, ասել էր, որ «Գազպրոմ» ընկերության կողմից էլ արդեն սկսվել է ռուսերենի խորացված ուսուցմամբ դպրոցի կառուցումը, որը գործելու է ՀՀ օրենսդրությանը համաձայն:
Կարդացեք նաև
Գոհար ՀԱԿՈԲՅԱՆ
