Ինչպես արդեն տեղեկացրել ենք՝ «Ակցիզային հարկի մասին» ՀՀ օրենքում լրացումներ եւ փոփոխություններ կատարելու մասին նախագծին պատգամավորների շրջանում լուրջ դժգոհություններ է առաջացրել: Սակայն ԱԺ-ն այն ընդունեց առաջին ընթերցմամբ՝ «կողմ» 56, «դեմ» 38, «ձեռնպահ» 2 ձայների հարաբերակցությամբ:
Քվեարկության դրվեց նաև «Հայփոստի» սեփականաշնորհման հետ կապված օրենքի նախագիծը:
Այս առիթով «Ժառանգություն» խմբակցության պատգամավոր Զարուհի Փոստանջյանը մտավախություն հայտնեց, որ նույնը տեղի է ունենալու, ինչ ՀԷՑ-ի հետ, ինչը հանգեցնելու է նաև սակագների թանկացման: Նախագիծն առաջին ընթերցմամբ ընդունվեց «կողմ» 61, «դեմ» 22, «ձեռնպահ» 16 ձայների հարաբերակցությամբ:
Տաթև ՀԱՐՈՒԹՅՈՒՆՅԱՆ
