Ոստիկանության կենտրոնական բաժնի դիմաց հավաքված են մի խումբ ակտիվիստներ: Քիչ առաջ բաժնից դուրս եկավ ԱԺ պատգամավոր Նիկոլ Փաշինյանը: Նա լրագրողների հետ զրույցում ասաց, որ 13 ակտիվիստ կա բաժնում, որոնցից տեսել է միայն 10-ին: Նրանց թվում է նաեւ Քաղաքացիական պայմանագրի վարչության անդամ Վիլեն Գաբրիելյանը:
Նիկոլ Փաշինյանն ասաց, որ բերման ենթարկվածների հստակ թիվ իրեն չեն տրամադրում: Հնարավոր է, որ թիվը լինի 50-100: Նա հավելեց, որ տեղյակ չէ, թե նրանք ոստիկանության որ բաժիններում են բերման ենթարկվել: Նա հավանական է համարում, որ ակտիվիստներին տարած լինեն նաեւ Երեւանին մոտ վայրեր, օրինակ` Աշտարակ:
Նիկոլ Փաշինյանը հայտարարեց, որ փաստի առթիվ հարուցվել է քրեական գործ խուլիգանության հոդվածով: Բերման ենթարկվածները պետք է ցուցմունք տան եւ ցուցմունք տալուց հետո պարզ կլինի նրանց կարգավիճակը: Նա չբացառեց, որ ձերբակալվողներ կլինեն, քանի որ ըստ նրա քաղաքական որոշում է կայացվել:
Հարցին, թե հիվանդանոցներում ցուցարարներ կա՞ն, նա պատասխանեց, ոչ: Ոմանք հոսպիտալացվել են եւ առաջին բուժօգնությունը ստանալուց հետո գնացել են:
Կարդացեք նաև
Ամի ՉԻՉԱԿՅԱՆ
