Վարդան Խաչատրյանի կարծիքով՝ պառակտումը պետք չէ նախաձեռնության անդամներին, որ իրենց պատճառով է այդ արատավոր երեւույթը տեղ գտել
«Այն պառակտումը, ինչը որ տեղի ունեցավ բավականին պարզ էր»,- հուլիսի 2-ին «Փաստարկ» մամուլի ակումբում լրագրողների հետ հանդիպման ընթացքում, անդրադառնալով «Ոչ թալանին» նախաձեռնության՝ Բաղրամյան պողոտայից գնալուն, ասաց 4-րդ գումարման ԱԺ պատգամավոր, աստվածաբան Վարդան Խաչատրյանը:
Նա նկատեց, որ ուշադրությունը եւ լարումը կենտրոնացել է մարդկանց շուրջ, որոնք այդ իրավիճակում չեն եղել, եւ վաղ, թե ուշ նրանք պետք է տարաձայնություններ ունենային: Նա ընդգծեց, որ պատմության ընթացքում բազմիցս նման պառակտումներ եղել են. «Ուշադրությունը տվյալ անձանց շուրջ, նրանց ոչ մեծ փորձն, այնուամենայնիվ հանգեցնում է այդպիսի տարբեր որոշումների: Միեւնույն ժամանակ՝ բոլոր կողմերից ուժերի ազդեցությունը, որոնք փորձում են հարթակ դուրս գալ: Այս ամենը եւ տվյալ անձանց կողմնորոշումը, որը միանշանակ չի կարող լինել, որովհետեւ նրանք միակարծիք մարդիկ չեն, գաղափարակիցներ չեն, եւ եկել հասել են այդտեղ, եւ նրանց միջեւ, ասենք՝ տատանումներ չեն կարող տեղի ունենալ»:
Վարդան Խաչատրյանը ընդգծեց, որ պառակտումը նորույթ եւ արատավոր երեւույթ չէ, եւ պետք չէ նախաձեռնության անդամներին, որ իրենց պատճառով է այդ արատավոր երեւույթը տեղ գտել. «Այսպիսինն է երիտասարդական շարժման առանձնահատկությունը»:
Կարդացեք նաև
Նա հավելեց, որ շարժման արդյունքում պարզ դարձավ, որ քաղաքացիական հասարակությունը հնարավոր է զարգանա եւ հնարավոր է, որ հասնի այն մակարդակին, որ իշխանությունը քաղաքացիական հասարակության վերահսկողության տակ գտնվի. «Այս ամենը մենք տեսանք, որ այպիսի ներուժ, ի զարմանս շատերի եւ մի քիչ էլ ի զարմանս ինձ, կա: Եվ շնորհակալ ենք բոլոր նրանցից, ովքեր կարողացան դա ցույց տալ, որովհետեւ մենք արդեն հետ ենք աճել»:
Ամի ՉԻՉԱԿՅԱՆ
